Paco Rabanne

Francisco Rabanne Cuervo, mundu osoan ezaguna den Paco Rabanne euskal jostuna, Pasaian (Gipuzkoa) jaio zen, 1934ko otsailaren 18an. Gaur egun mundu osoan da ezaguna diseinatzaile lanbideagatik, baina testuinguru apal eta karga politiko handiko batean jaio zen. Familiaren joera politikoen ondorioz, Rabaneda Cuervo familia Frantziara erbesteratu zen aita fusilatu ondoren, armada errepublikanoko komandantea izan baitzen.

“Mi madre, destrozada por el dolor, nos condujo a mi abuela, mis dos hermanas, mi hermano y a mí, al asalto de los puertos de los Pirineos para llegar a Francia, única vía de escape de aquella trampa mortal. A pie, entre la nieve y el frío, a merced de los ataques aéreos, conseguimos atravesar la frontera.”

Harrerako herrialdean (Frantzian) hil zen. Han, pertsonalki eta profesionalki garatu zen, haren jatorria ahaztu gabe: Pasaia.

Parisko École Nationale Supérieure de Beaux-Arts-en arkitektura ikasketak egin ondoren, 1966an lehen bilduma-manifestua aurkeztu zuen: "12 soineko ezinezko", material garaikideez egindako soineko esperimentalak eta jantzi ezinak. Lan horrek mundu mailako errekonozimendua eman zion, eta erreferente bihurtu zuen diseinatzaile askorentzat. Esate baterako, Coco Chanel modaren damak "modaren metalurgiko” gisa bataiatu zuen.

XX.mendeko modaren ikonoa izateaz gain, berezko sortzailea da, berrikuntzaren sinboloa. Alderdi guztietan apurtzailea izan zen, eta bere garaira aurreratutako ikuspegia azaldu zuen; hala, modaren historia, garaiko gizartea eta estetika markatu zituen.

“(...) así germinó en mí el proyecto de presentar mi propia colección de alta costura, dentro del espíritu de los dadaístas; es decir, en un gesto de provocación y de rebelión, con la esperanza de sacudir un poco aquella inercia y quizá de promover una mayor modernidad.”

Haren abangoardiako sorkuntzek modaren oztopo tradizionalak gainditu zituzten, material berrien erabilera sustatu baitzuen, hala nola aluminioa, rhodöida eta papera, ordura arte modan ezohikoak zirenak.

Izaera sentsual eta femeninotik urrundu gabe, emakumea irudikatzeko kode berriak sortu zituen, boterearen eta jainkotasunaren sinbolo den irudia proiektatuta.

“ (...) mi primera colección se correspondía también con el nacimiento del Movimiento de Liberación de la Mujer. (...) Vestir a las mujeres con metal, cubrirlas con cotas de malla, era en cierto modo convertirlas en nuevas Juanas de Arco, en amazonas, guerreras que se oponían a la cobardía machista.”